क्रमाॅंक:- 133 , कसडोल, जिला-बलौदा बाजार (छत्तीसगढ़) से कवि परमानंद निषाद"प्रिय" की विशेष रचना- मोर छत्तीसगढ़ के बोरे-बासी
मोर छत्तीसगढ़ के बोरे-बासी
मोर छत्तीसगढ़ के बोरे बासी,
सुवाद जइसन गंगा अउ कासी।
मिर्चा,गोंदली अउ पताल ह,
सुवाद बड़हाथ हे बोरे-बासी।१।
सुत बिहनिया ले मुखारी करके,
बोर - बासी ल झड़कथन।
पेट भर बोरे-बासी ल खाके।
काम करे ल हमन जाथन।२।
नुन,मिर्चा,गोंदली अउ पताल,
बोरे-बासी के निचट संगवारी
कछु नई लागय ऐ कर बर,
साग , सब्जी न तरकारी।३।
बोरे-बासी ल खाके कहाथन,
छत्तीसगढ़िया सबले बढ़िया।
बोरे-बासी हमला मिठावय,
जैसे समोसा अउ भजिया।४।
ए महगंई म कतका बिसाबो,
होटल म रखय इटली बासी।
"प्रिय" कहथ हे सबले बढ़िया,
मोर छत्तीसगढ़ के बोरे-बासी।५।
परमानंद निषाद"प्रिय"
ग्राम - निठोरा,पोस्ट - थरगाॅंव,
तह.-कसडोल,जिला-बलौदा बाजार(छ.ग.)
मो.- 7974389033
8435298085
ईमेल- sachinnishad343@gmail.com
0 Response to "क्रमाॅंक:- 133 , कसडोल, जिला-बलौदा बाजार (छत्तीसगढ़) से कवि परमानंद निषाद"प्रिय" की विशेष रचना- मोर छत्तीसगढ़ के बोरे-बासी"
एक टिप्पणी भेजें