क्रमाॅंक:- 159, कसडोल, जिला-बलौदा बाजार (छत्तीसगढ़) से कवि परमानंद निषाद"प्रिय" की विशेष जसगीत- निठोरा के दुर्गा दाई

                  निठोरा के दुर्गा दाई

मइया बिराजे हावय मोर निठोरा गाॅंव म,

बइठे हावय मइया निमुवा के छाॅंव म।१।

मोर गाॅंव के दुर्गा दाई तोला सुमिरँव ओ-२

मोर निठोरा गाॅंव हे नदिया के तीर म ,

जोंक नदी के पानी बहे सुघ्घर मोर गाॅंव म।

मइया बसे हे निमुवा के पेड़ म।२।

मोर गाॅंव के दुर्गा दाई तोला सुमिरँव ओ-२

निठोरा के तरिया पार म बने भोला के मंदिर,

ओकर पूजा होवत हावय रात-दिन।

बइठे हावय प्रिय बजरंगी के भक्ति म।३।

मोर गाॅंव के दुर्गा दाई तोला सुमिरँव ओ-२

चंद्रसेनी बइठे हावय संग म नाथलदाई ,

गाॅंव के बजरंगी ह सबके करे सहाई।

बूढ़ादेव बिराजे हे मोर निठोरा गाॅंव म।४।

मोर गाॅंव के दुर्गा दाई तोला सुमिरौव ओ-२

    परमानंद निषाद"प्रिय"

ग्राम - निठोरा,पोस्ट - थरगाॅंव,

तह.-कसडोल,जिला-बलौदा बाजार(छ.ग.)

मो.- 7974389033

       8435298085

ईमेल- sachinnishad343@gmail.com